Wikipedia cdowiki https://cdo.wikipedia.org/wiki/T%C3%A0u_Hi%C4%95k MediaWiki 1.39.0-wmf.21 first-letter 媒體 特殊 討論 用戶 用戶討論 Wikipedia Wikipedia討論 文件 文件討論 MediaWiki MediaWiki討論 模板 模板討論 幫助 幫助討論 分類 分類討論 TimedText TimedText talk 模組 模組討論 Gadget Gadget talk Gadget definition Gadget definition talk 0 5930 89400 71009 2022-07-24T15:00:02Z 唐吉訶德的侍從 836 wikitext text/x-wiki {{twinLAT|柔遠驛}} {{coord|26|04|9.1128|N|119|18|45.0558|E|display=title}} [[File:Jū en eki.jpg|thumb|right|300px|Gĭng-dáng Liù-giù-guāng gì ciáng-muòng]] '''Iù-uōng-ĭk''' (柔遠驛), iâ hô̤ lā̤ '''Liù-giù-guāng''' (琉球館), sê [[Hók-ciŭ]] [[Dài-gĕ̤ng]] gì siŏh cô̤ [[lṳ̄-guāng]] iông-sék gì gióng-dé̤ṳk. Liù-giù-guāng sê [[Mìng-dièu]] [[Sìng-huá]] 8 nièng (1472 nièng) kī gì, ciŏng-muòng dò̤ lì diêu [[Liù-giù]] nè̤ng. Hī sèng-âu, [[Liù-giù-guók]] gì nè̤ng nâ sê buóh siōng gáu [[Dṳ̆ng-guók]] lì, nâ dé̤ṳng diŏh Hók-ciŭ siông-áng. Gó-chṳ̄ Mìng-dièu diŏh Dài-gĕ̤ng ciŏng-muòng kī siŏh ciáh Liù-giù-guāng ké̤ṳk ĭ-gáuk-nè̤ng diêu. Liù-giù gâe̤ng Hók-ciŭ ô iā dĕk-sṳ̀ gì lĭk-sṳ̄ guăng-hiê, Liù-giù-guāng găk cī diē-sié gì dê-ôi iâ sê iā dâe̤ng-iéu. Liù-giù-guāng găk [[Muāng-chĭng]] gì [[Săng-huăng cĭ lâung]] dâi-dŏng ké̤ṳk có̤ sáng-dāu, gáu-muōi-lāu Muāng-chĭng céng-hū chók-cièng siŭ hō̤. 1875 nièng, [[Nĭk-buōng]] giòng-páuk Liù-giù gâe̤ng Dṳ̆ng-guók duâng-ciŏk ngôi-gău guăng-hiê, huāng-dó̤i Nĭk-buōng tūng-dê gì Liù-giù nè̤ng cāu lì Hók-ciŭ, diêu diŏh cŭ-uái, iéu-giù Muāng-chĭng céng-hū hióng Nĭk-buōng káung-ngiê. 1879 nièng Nĭk-buōng miĕk Liù-giù ī-hâiu, gó ô iā sâ̤ lì Hók-ciŭ gì Liù-giù nè̤ng diêu diŏh cī diē-sié. Gáu 1937 nièng [[Káung-nĭk Ciéng-cĕng]] báuk-huák ī-hâiu, diē-sié gì Liù-giù nè̤ng gĭ-buōng dŭ diōng chió lāu. [[Gāi-gáik Kăi-huóng]] ī-hâiu, ĭng-ôi Hók-ciŭ chê-kṳ̆ gì kuóng-diēng, céng-hū duâi có̤ tiéh-chiĕng, Liù-giù-guāng iâ ké̤ṳk tiáh bàng-báik, ĭ gì miêng-cék nâ diông nguòng-lài gì 1/10 dŭ mò̤ gáu. 1992 nièng, céng-hū puái nè̤ng siŭ-hók ciā guāng, gāi miàng hô̤ lā̤ „Hók-ciŭ dó̤i-ngôi iū-hō̤ guăng-hiê-sṳ̄ báuk-ŭk-guāng“, ciŏng Hók-ciŭ gâe̤ng Liù-giù ô găng-guó gì nó̤h dò̤ ĕng cŭ-uái diēng-lāng. 1996 nièng, ké̤ṳk [[Hók-gióng|Hók-gióng-sēng]] céng-hū diâng có̤ „Sēng-gék ùng-ŭk bō̤-hô dăng-ôi“. [[Category:Hók-ciŭ]] [[Category:Liù-giù]] si1y1f1rmmlor9fwpcpig9qx9gj31if